ናይ ህጹጽ እዋን ቴሌፎናት

እዚ ናይ ህጹጽ እዋን ቴሌፎን፡ ምስ ቴሌፎን ማእከል ህጹጽ እዋን ፖሊስ የራኽብ። ፖሊስ ከኣ ከከም ኩነታቱ ንዝምልከተን ጨናፍር ይሕብር( ንእብነት፡ መጥፋእቲ ሓዊ)

እዚ ናይ ህጹጽ እዋን ቴሌፎን ቀጥታ ምስ ፖሊስ ማእከል ህጹጽ እዋን የራኽብ።

እዚ ናይ ህጹጽ እዋን ቴሌፎን'ዚ ምስ ማእከል ምጥፋእ ሓዊ የራኽብ።

እዚ ቁጽሪ'ዚ፡ ምስ ማእከል ቀዳማይ ረድኤትን ኣምቡላንስን የራኽብ። ዘጋጠመ ኩነታት ህጹጽ ረድኤት ዘድልዮን ክብደቱ ኣምቡላንስ ዘድልዮ ምስ ዝኸውንን፡ ናብ ቁጽሪ 144 ብምድዋል ህጹጽ ሓገዝ ይጥለብ። (ንኣብነት፡ ኣብ ግዜ ከቢድ ሓደጋ)። ናይ መድሃኒት ሓገዝ ኣብ ዘድልየሉ፡ ፈለማ ንሓኪም ስድራ ቤትኩም/ ሓኪምኩም ምውካስ የድሊ። ካብ ናይ ስራሕ ሰዓታት ወጻኢ፡ ገለ ሓካይም ሓፈሻዊ ሕክምና፡ ኣገልግሎት ህጹጽ ረድኤት ይህቡ። መራኸቢ ህጹጽ እዋን ቴሌፎኖም ካብ ሓኪም ስድራ ቤትኩም/ሓኪምኩም ወይ ባዕሉ ካብ ዝምልሽ ማሽን ክትረኽብዎ ትኽእሉ። ብዘይካ'ዚ ናብ ናይ ካንቶን ቴለፎን ህጹጽ እዋን 0900 576 747 ( ኣስተውዕሉ፡ ንሓደ ደቒቕ፡ 1.98 ፍራንክ ይኽፈሎ) ምድዋል ይከኣል። ኣብ'ዚ ሕክምናዊ ምኽሪ ይወሃብን ኣብ ቀረባኹም ኣብ ዘሎ ሓኪም ወይ ሕክምና የመሓላልፍን። ባዕልኹም ኣብ ከባቢኹም ኣብ ዝርከብ ኣገልግሎት ህጹጽ ሕክምና ወይ ሆስፒታል እውን ክትፍትሹን ክተከዱን ትኽእሉ ኢኹም።

ኣብ ርእሲ'ተን ኣብ ስሩዕ ናይ ስራሕ ሰዓታት ኣገልግሎት ዝህባ ኣብያተ መድሃኒት፣ ካብ ንቡር ናይ ስራሕ ሰዓታት ወጻኢ ኣገልግሎት ህጹጽ እዋን ዝህባ ከባብያዊ ኣብያተ መድሃኒት ኣለዋ። እዘን ኣብያተ መድሃኒት ካብ ናይ ስራሕ ሰዓታት ወጻኢ ናይ ዝህብኦ ኣገልግሎት የኽፍላ'የን። (ንኣብነት ኣገልግሎት ለይቲ) ። ኣብ ህጹጽ እዋን ኣገልግሎት ዝህባ ኣብያተ መድሃኒት፡ ሽዑ ንእለቱ ክኽፈለን ይግባእ።

ስኒ ዝጐድእሓደጋ ወይ ልዕሊ ዓቅሚ ዝኾነ ቃንዛ ኩርምቲ ምስ ዘጋጥም፣ ካብ ናይ ንቡር ሰዓታት ስራሕ ወጻኢ ኣገልግሎት ዝህቡ ሓካይም ስኒ'ውን ኣለዉ። እቲ ዝወሃብ ኣገልግሎት ሕክምና ስኒ፡ ኣብ መንጎ ሰዓታት 20፡00 - 07፡00 ምስ ዝኸውን ተወሳኺ ክፍሊት ኣለዎ። ኣገልግሎት ክትረኽቡ ኣብ እትድውሉሉ ክፍሊት ክንደይ ምዃኑ ሕተቱ። ንእለቱ ከኣ'ዩ ዝኽፈል።

መርዚ ዝሰተኹም ወይ ዝተበከለ ዝበላዕኩም ኮይኑ ምስ ዝስመዓኩም፡ ኣብ'ዚ ቴሌፎን ብምድዋል ሓገዝ ሓኪምን ሰብ ሞያን ክትረኽቡ ትኽእሉ። ኣብ ግዜ ምምራዝ እንታይ ክትገብሩ ከም ዘለኩም ከረድኡኹም'ዮም። እንተኾነ ንሂወት ኣስጋኢ ምስ ዝኸውን ብቅልጡፍ ናብ 144 ምድዋል የድሊ። ኣብ መርበብ ሓብሬታ ኢንተርነት ብዛዕባ ምምራዝ ወይ ምብካል ብዙሕ ሓበሬታ ይርከብ።

"ቁጽሪ ቴሌፎን 143" (ድሉው ኢድ , Dargebotene Hand) ብዛዕባ ጸገሞም፡ እንታይነቱ ብዘየገድስ፣ ምስ ዝኾነ ሰብ ክዘራረቡን ክመያየጡን ንዝደልዩ ሰባት (ብቋንቋታት ጀርመን፡ ፈረንሳይ፡ ጥልያን) የገልግል። ሰባት ኣብ ኣዝዩ ኣሸጋሪ ኩነታትን ኣብ ካልእ ዝኾነ እዋን ኣብ ግዜ ሻቕሎትን ናብ'ዚ ቁጽሪ'ዚ ክድውሉ ይኽእሉ። ኣብ'ዚ ዝግበር ዝርርብ፡ ምስጢሩ ዝዕቀብን ዘተኣማምንን'ዩ። ከከም ኣድላይነቱ ከኣ ሰባት ምስ ኩነታቶም ዝኸይድ ምኽርን ሓበሬታን ይወሃቦም። ብተወሳኺ ብመልክዕ መልእኽቲ ኢመይልን ቀጥታዊ ምጽሕሓፍ (ቻት) ክኸውን ይኽእል።

ቁጽሪ ቴሌፎን 147፡ ንቆልዑን መንእሰያትን፡ ከከም ጸገማቶም ምስ ዝምልከቶም ክኢላታት ከራኽብ (ብቋንቋታት ጀርመን፡ ፈረንሳ፡ ወይ ጣልያን) ዘኽእል ኢዩ። ኣብ ኣዝዩ ኣሸጋሪ ወይ ኣጸጋሚ ኩነታትን ካልእ እዋንን በዚ ክድወል ይከኣል። በዚ ቁጽሪ ቴሌፎን ዝርከቡ ክኢላታት ን24 ሰዓታት ኣገልግሎት ይህቡ። እቲ ዝግበር ዝርርብ ምስጢሩ ዝተዓቀበን ዘተኣማምንን'ዩ። ብተወሳኺ ብመልክዕ መልእኽቲ ኢመይል ወይ ኤስኤምኤስ "SMS" ወይ'ውን ብቀጥታዊ ምጽሕሓፍ ክኸውን ይኽእል።

በዚ ንወለዲ ዘገልግል ቴሌፎን ህጹጽ እዋን፡ (Elternnotruf | Urgence Parents)፡ ክኢላታት ንወለዲ ወይ ካልኦት ሰባት ብዛዕባ ኣተዓባብያ ቆልዑ ዝምልከት ሕቶታት ዝምልሱሉ ኢዩ። ኣብ'ዚ ወለዲ ኣብ ልዕሊ ደቆም ካብ መጠን ንላዕሊ ጸቕጢ ወይ ልዕሊ ዓቕሞም ዝእዝዝዎም ዘለዉ ኮይኑ ምስ ዝስምዖም፣ ወይ ካብ ካልኦት ቆልዑት ዝተሓቱ ኮይኑ ምስ ዝስምዖም፣ ብሓፈሻ ንደቆም ወይ ብዛዕባ ካልኦት ዝምልከት ሞያዊ ሓገዝ ክረኽቡ ይኽእሉ። ሰባት በ'ዚ ቴሌፎን'ዚ ደቆም ወይ ካልኦት ግዳያት ስነ-ኣእምሮእዊ ጸቕጢ ዝኾኑ ምስ ዝመስሎም ክውከሱ ይኽእሉ። እቲ ዝግበር ዝርርብ ምስጢሩ ዝተዓቀበን ዘተኣማምንን'ዩ። ነዚ ዝምልከት ዝርርብ ብመልክዕ መልእኽቲ ኢመይል'ውን ክኸውን ይኽእል'ዩ። እንተኾነ በዚ ቴሌፍን'ዚ ሕክምናዊ ኣገልግሎት ኣይርከብን'ዩ።

ብ በርን፡ ቢልን ቱንን ዝርከብ መዕቆቢ ደቀንስትዮ (Frauenhaus | Maison des femmes)፡ ንግዳይ ዘቤታዊ ጎነጽ/ዓመጽ ንዝኾና ደቂ ኣንስትዮ ኣገግሎት ምኽሪን ሓገዝን ይህብ። መቕርብን ክኢላታትን'ውን ኣብ ቤት ጽሕፈት መዕቆቢ ክውከሱ ይኽእሉ'ዮም። ምስጢር'ቲ ዝካየድ ዝርርም ዝተዓቀበን ዘተኣማምንን'ዩ። እቲ ሓብሬታ ብመልክዕ መልእኽቲ ኢመይል'ውን ክኸውን ይኽእል'ዩ። ዜበታዊ ዓመጽ/ጎነጽ ዘጋጠሞም ደቂ ተብዓትዮ'ውን ሓገዝ ክረኽቡሉ ይኽእሉ'ዮም። ንዘቤታዊ ዓመጽን ጎነጽን ዝምልከት፡ ወላ'ውን ንግዳያት ዝኾኑ ደቂ ተብዓትዮ ከይተረፈን ንካልእ ምስኡ ዝተኣሳሰር ኣርእስትታት ከም መጻምድቲን ቆልዑትን > ግጭት ኣገልግሊት ምኽሪ ናይ ዝህቡ ተወሳኺ ዝርዝር ኣድራሻታት ክርከብ ይከኣል።